Schwierigkeiten
(Text & Musik: Günther Sigl)



Mit meim Vater sein Wogn hob i a Spritztour gmacht
Ja mit der Uschi war i unterwegs de ganze Nacht
Leider hob i den Laster vui z’spät gseng
I woit no bremsn, doch scho wars gscheng
Und i woaß ganz genau
Ja i woaß ganz genau
Ja i woaß ganz genau dös laßt si net vermeidn
I bin scho wieder moi in Schwierigkeitn

Schwierigkeitn

Ja i flirt mit a superblondn Frau an der Hotel-Bar
I zwinker ihr zua und moan scho wieder ois is klar
I spendier an Gin Fizz und plauder so charmant
Pöltzlich, auf meiner Schuiter a Hand
Und i woaß ganz genau
Ja i woaß ganz genau
Ja i woaß ganz genau dös laßt si net vermeidn
I bin scho wieder moi in Schwierigkeitn

Schwierigkeitn

Grad lustig wars aufm letztn Vereinsausflug
Zwoa Tag Garmisch-Partenkirchen mitn Zug
Ja i hob Brüderschaft trunkn mit der Annelies’
Und jetz’ ruafts o, daß schwanger is
Und i woaß ganz genau
Ja i woaß ganz genau
Ja i woaß ganz genau dös laßt si net vermeiden
I bin scho wieder moi in Schwierigkeitn

Schwierigkeitn