Elvis von Schwabing
(Text & Musik: Günther Sigl)



Vor guat zwanzg Joahr war a fast a Superstar,
heit spuit a auf mit seiner Combo in a oidn Striptease Bar.

Schmoiz von gestern, glänzt in seine graua Hoar,
Elvis von Schwabing hams zu eahm gsogt, in seine wuidn Johr.

Da Elvis von Schwabing hams oiwei zu eaham gsogt;
da Elvis von Schwabing is heit nimmer recht gfrogt!

Vor guat zwanzg Johr war a fast wiar a Idol;
er war da Größte in da Stadt, da King vom Rock’n’Roll!

In seiner Boazn*, spuit a und wart auf sei Come-Back,
er wuis net glaum doch is a längst, scho längst vom Fenster weg!

Da Elvis von Schwabing hams owei zu eham gsogt;
da Elvis von Schwabing is heit nimmer recht gfrogt!

Da Elvis von Schwabing hots nia ganz gschafft im Lebn;
da Elvis von Schwabing hot sei letzte Zugabe gebn!

Da Elvis von Schwabing hots nia ganz gschafft im Leben;
da Elvis von Schwabing hot sei letzte Zugabe gebn,
da Elvis von Schwabing hot sei letzte Zugabe gebn!

* Boazn = Kneipe, Lokal